第一集_不同年齡的護膚重點
Introduction
- 近呢十年醫學美容成為潮流，因為佢喺將女性變靚嘅同時，對人體造成嘅創傷好少，而且恢復速度快。
- 醫學美容即係實證醫學，係有科學證據去證實係有效嘅，亦都需要專業人士先可以執行。
- 喺選擇醫學美容療程之前，我哋要先知道自己嘅皮膚處於咩狀態，再根據自己嘅實際肌膚年齡，選擇合適嘅療程。
Topic 1: 0-19歲的皮膚狀態及護理
- 每個年齡階段嘅肌膚狀況所面對嘅問題同解決方式都有所唔同。由皮膚生理學睇，人體喺進入青春期之前，通常係12 歲前，新陳代謝同皮膚嘅再生功能係最強嘅。
- 呢個年齡段皮膚有充足嘅水份，不過皮脂腺嘅發育同分泌不足，所以應該補充安全油脂，達到鎖水效果，唔需補充保濕產品，以免過分濕潤皮膚。
- 同時都要留意防曬，避免黑色素潛藏喺皮膚深層，減少因紫外線照射而形成嘅墨。
- 進入青春期之後，由於青春期性激素分泌增加，皮脂腺會快速發育。一旦皮脂腺管太細，皮脂腺體分泌旺盛又無法順利排出，就可能因為堵塞而引起局部發炎反應，出現痤瘡、粉刺、毛囊炎等皮膚病。
- 所以，青春期一般嚟講就係做預防性嘅皮膚護理工作。最首要嘅工作就係建立良好嘅護膚習慣，例如注重清潔，洗走面油，注意防曬，令面部保持一個水油平衡嘅狀態，為將來嘅護膚做鋪墊。
Topic 2: 20-29歲的皮膚狀態及護理
- 20歲開始，身體新陳代謝逐漸減慢，表皮中嘅天然保濕因子含量下降，皮脂腺同汗腺都逐漸萎縮、褪化，所以皮膚變得乾燥。
- 再加上膠原蛋白、彈性蛋白等真皮基質漸漸流失，導致皮膚變薄、鬆弛、皺紋、暗啞、色斑等問題。
- 眼部肌膚因為最薄，汗腺分佈少，所以特別容易乾燥缺水，亦都係皮膚優先衰老嘅部位，同時由於工作壓力、睡眠不足，缺乏防曬等因素加速皮膚衰老。
- 要特別注意嘅係表情紋，長時間固定做出某啲表情，會令角質變厚而出現摺痕，即係皺紋。
- 過咗二十歲後，如果唔靠外力幫手，角質係唔會主動代謝嘅，原本二十八日嘅皮膚代謝週期開始延長，所以去角質，就好似幫皮膚做大掃除，能夠保持面部肌膚嘅光滑，亦都無咁容易生皺紋。
- 通過補水保濕或者眼部護理，可以緩解眼部皮膚嘅皺紋。潔面後，選用鎖水保濕能力嘅護膚產品，為肌膚補水；防曬同眼霜都一定要每日搽，可以減緩眼部肌膚衰老嘅速度。
- 同時可以開始做啲溫和嘅醫學美容療程，例如激光嫩膚，令皮膚衰老嘅速度減慢。
Topic 3: 30-39歲
- 30歲開始人體新陳代謝減緩，皮膚開始缺油同缺水。膠原蛋白流失、合成速度降低，令額頭肌肉下垂，形成抬頭紋；而太陽穴就會因為肌肉薄而突顯出嚟。
- 喺呢嘅個年齡層，基礎嘅清潔、保養已經唔夠，仲要再加埋特殊保養，甚至係問題保養。
- 補水保濕、防曬係必不可少嘅工作，同時都需要選用滋潤嘅抗衰老產品，例如幹細胞精華液，及時為肌膚補充膠原蛋白，緩解皮膚衰老。
- 油脂嘅補充可以由液態逐漸過渡到半固態、甚至係固態，或者增加使用嘅頻率。
- 而早晚潔面後，可以適當輕柔按摩臉部肌膚，促進肌膚血液循環，增加皮膚彈性，緩解皮膚鬆弛。
- 療程上可以選用針劑，例如肉毒桿菌減少皺紋，再配合少量嘅激光嫩膚療程。
Topic 4: 40-49歲
- 40歲肌膚真正走進老化期，原本二十八日嘅皮膚新陳代謝週期，已經拖到四十日，導致黑色素更容易沉澱，肌肉鬆弛同脂肪下垂尤為明顯，逐漸形成三角眼同下瞼袋，眉間川字紋，額間抬頭紋，而法令紋就係衰老嘅最後一部分。
- 加上皮膚嘅基底層變薄，保水功能退步，需要特別注意水分流失嘅問題。
- 對於40歲後，皮膚管理重在保養同抗衰老。可以做多啲針對性嘅抗衰老醫學美容療程，譬如MTS再生管理、木乃伊煥膚管理等，都能為肌膚補充營養，刺激皮膚膠原蛋白再生，修復細胞，增加皮膚彈性，防止皮膚衰老。
Topic 5: 50歲或以上
- 進入50歲嘅階段，女性要面臨更年期嘅問題，呢個時期水分非常容易蒸發，而且荷爾蒙分泌不足，都容易令皮膚變得很乾燥、甚至變薄，同二十歲相比，皮膚厚度大概相差20%，再加上脂肪儲存不均、日曬的結果，斑點嘅形成更為顯著！
- 如果膠原蛋白同彈力纖維嘅流失，得唔到及時嘅補充，導致皮膚加速衰老。
- 50歲係一個比較大嘅轉變，需要再加強療程功效，不過都要因人而異，例如皮膚比較鬆弛嘅人可以加強針劑治療，打透明質酸或膠原蛋白，療程上都需要比較高強度嘅，例如射頻，埋線、甚至係超聲刀，快速提拉肌膚，恢復皮膚彈性，同時刺激膠原蛋白合成，令肌膚恢復年輕。
- 除咗療程，同時都可以口服一啲補充品，譬如維他命、口服膠原蛋白等，都有助於延緩衰老。
Ending
- 世界衛生組織曾經提出，每4蚊入面有1蚊就要花喺預防嘅工作上，節省將來要花4蚊做喺治療上。喺醫學美容上都係一樣嘅道理。
- 如果細個嘅時候越早保護皮膚，當有少少損耗時就即時修復，就可以預防將來要做啲重大嘅處理。
- 任何年齡都需要護膚，越早開始打好基礎，之後嘅工作就可以減少。